بقلم الإعلامية / سارة مصطفى
مدرب تنمية ذاتية
الحياه اوقات محتاجه لبعض من التوازن ايام بنضحك ضحك يسمعه الجار و أوقات بنصرخ .. صراخ يسمعه سابع جار .. أوقات بتيجي عليك لحظه بتكون فيها صامت و مزاجك متعكر وبتكون مش عارف ليه وازاي وايه اللي بيحصل لك من الكرب وضيق اللي مخلي يومك مخنوق بالشكل ده و اوقات بيجي عليك وقت في فرح و راحة للقلب والدنيا بتكون جميله من حواليك الانسان بطبعه مزاجي وكل واحد فينا بيكون عنده الجزء اللي مخليه ياما فرحان ياما حزين .
بسبب العقل والتفكير الزائد و ضغوط الحياه ، الدنيا لئيمة ، الدنيا لو شافتك تتاثر هتصفعك تاني وثالث ورابع لكن لو لاقيتك جدار صلب تتركك ، فلازم تعرف أن اليوم ليس كغد والغد ليس كبعد.. غد … وبعد أسبوع ليس كبعد شهر … وبعد شهر ليس كبعد سنة … وبعد سنة انا لستوه انا نفس الشخص ونفس الحال .
من هنا لازم تكون عارف ان ربنا سبحانه وتعالى وهبك العقل والتفكير عشان تفكر وتبحث في الحاجات اللي تحسن بها مزاجك وحياتك و تغير بها نمط و روتين الحياه .
علشان كده اوعى تفكر تنظر للي بيصيبك من هذه التقلبات وتقول ده ابتلاء بالعكس … ربنا سبحانه وتعالي جعل عندك هذه التقلبات لمصلحتك انت علشان تجدد وتغير في حياتك اوقات في مواقف بتحصلك وناس بتتعامل معاهم بشكل معين وفجاة تحصل مشكلة او موقف معين منهم تخليك تراجع نفسك وتعيد حسابتك معاهم … فبيكون اللي بيحصل معاك نوع من تغيرك انت هذا الأمر بيحصل علشان يدخل النور والتجديد لحياتك .
كل نعمه انت فيها الان كان سببها ضيق وحزن مريت بيه .. وفكرت تخرج منه ازاي لحد لما وصلت للحل اللي انت عليه الان ابحث دائما عن باب السعاده وخليك ايجابي مع نفسك و افتكر دايما قوله سبحانه وتعالي ( لا تدري لعل الله يحدث بعد ذلك أمر ) واعرف ان الضيق والبلاء خلفهم أضعاف النعم واصبر وجاهد نفسك لتصل إلي كل ما تريده لتحلوي بيه حياتك .
زر الذهاب إلى الأعلى
